Suunto 7 Gabay sa User

Magsimula ng ehersisyo

Bago ka magsimula
Magsimula ng ehersisyo
Naghihintay na magsimula
Iwasan ang mga hindi sinasadyang pagkilos dahil sa pagkakapindot sa screen at mga button habang nag-eehersisyo

Bago ka magsimula

• May malaking epekto ang paraan mo ng pagsuot sa iyong relo sa katumpakan ng heart rate habang nag-eehersisyo ka.
  Matutunan kung paano susuutin ang iyong relo para mapahusay ang mga pagsukat ng HR

• Mahalaga ang katumpakan ng GPS para sa mga pagsukat na gaya ng bilis at distansya. Siguraduhing nasa labas ka sa hindi nahaharangang lugar bago ka magsimulang mag-ehersisyo para makakuha ng magandang GPS signal.
  Matutunan kung paano pahuhusayin ang katumpakan ng GPS

• Suunto 7 ay mainam para sa lahat ng uri ng ehersisyo, pero nag-iiba-iba ang paggamit ng baterya depende sa iyong sport at sa paraan ng pakikipag-interact mo sa iyong relo habang nag-eehersisyo ka.
  Alamin kung paano mama-maximize ang buhay ng baterya habang nag-eehersisyo

Magsimula ng ehersisyo

1. Pindutin ang kanang itaas na button para buksan ang Suunto Wear app.

2. I-tap ang aktibidad sa ibaba ng start button para buksan ang listahan ng mga sport mode.

3. Mag-browse sa listahan at piliin ang sport mode na gusto mong gamitin. Matuto pa tungkol sa mga sport mode.

4. Opsyonal: Baguhin ang Location accuracy at ang mga setting ng display para sa napiling sport mode. I-maximize ang buhay ng baterya habang nag-eehersisyo

5. Kapag handa ka nang magsimula, pindutin ang gitnang button o mag-swipe pakaliwa sa start button para simulan ang iyong ehersisyo.

Para makakuha ng pinakatumpak na data ng HR at GPS mula sa pasimula, puwede kang maghintay na maging puti ang arrow icon (lokasyon) at heart icon (heart rate) sa itaas ng start button bago ka magsimula sa iyong ehersisyo.

Kung mananatiling gray ang icon ng heart rate, subukang iusog pataas ang iyong relo mula sa iyong pupulsuhan sa layong humigit-kumulang dalawang daliri mula sa buto ng pupulsuhan. Kung mananatiling gray ang icon na arrow, lumabas sa isang bukas na lugar at maghintay ng mas malakas na GPS signal.

Naghihintay na magsimula

Kung nananatili kang nasa start view nang ilang sandali, halimbawa kapag naghihintay kang makakuha ito ng lokasyon ng GPS o naghahanda na simulan ang iyong pagtakbo, posibleng makita mong lumipat ang display sa low-power mode. Huwag mag-alala, puwede mo pa ring simulan kaagad ang pag-record mo ng iyong ehersisyo sa pamamagitan ng pagpindot sa gitnang button.

Iwasan ang mga hindi sinasadyang pagkilos dahil sa pagkakapindot sa screen at mga button habang nag-eehersisyo

Puwedeng hindi sinasadyang makaabala sa pag-record ng iyong ehersisyo kapag nabasa ang relo mo o ang, halimbawa, gear na suot mo. Para maiwasan ang mga hindi sinasadyang pagkaka-tap sa screen at pagkakapindot sa mga button habang nag-eehersisyo, puwede mong i-lock ang mga pagkilos sa touch screen at button.

I-lock ang mga pagkilos sa touch screen at button

1. Para i-lock ang mga pagkilos sa screen at button, pindutin nang matagal ang gitnang button.
2. Para i-unlock, pindutin muli nang matagal ang gitnang button.

Kapag naka-lock ang mga pagkilos sa screen at mga button, magagawa mong:

• baguhin ang exercise view gamit ang gitnang button
• pindutin ang Power button para bumalik sa watch face
• mag-zoom sa mapa gamit ang kanang button sa itaas at sa ibaba

Kapag naka-lock ang mga pagkilos sa screen at mga button, hindi mo magagawang:

• i-pause o tapusin ang ehersisyo
• gumawa ng mga manual na lap
• mag-access ng mga opsyon sa pag-eehersisyo o opsyon sa mapa
• mag-swipe sa screen o i-pan ang mapa
• i-tap para i-on ang screen